Agnes defends President Clinton
See 'f Ah wiz him Ah wudny staun fur thoan, no 'f Ah wiz President. Ah mean tae say it's jist no dacent like. If Ah wiz oan the telly Ah'd sune tell them whit tae dae wi aa thur questions. Aye Ah wud an aa an stuff thur bliddy cameras up thur erse. Ah'd jist say it wiz great an thur's hee-haw youz lot can dae aboot it noo. Weel ferr's ferr, it's no as if he wiz the poap or Ian Paisley - thoan wud be a laugh, speshly if it wiz wi the queen - some hope, Chookie wad kill the perr o them. He's aff his heid an aa. Here Maggie, whit's the odds thae Yanks'll huv him coupit. Sully sods.