Agnes's thoughts on Charles's Coronation.
Some o the tunes wis grand. I like thae trumpets that's stretched oot straight. They maun be six fit lang wi dangly flags an that. See when they thumpit thae muckle drums, gi'en them a richt guid bang, the cuddies didnae even blink. They maun hae trained fur weeks, or mibbe they're aa deif. I thocht that Charlie micht've smiled. "Ye're oan the telly, son. It's no a funeral!" See 'f I wis Camilla, I'd huv cracked a joke, gied him a tickle, onythin tae melt his greetin face, gied him a wee bit poke in the oxter wi his sceptre. Ocht, I felt it wisnae a bad effort, but I mean it's really no the same wi'oot the Queen.