flysco page logo

Agnes Transmogged

Agnes indulges a flight of fancy

Agnes Transmogged

See efter this moagur's aa pit by
n we're loused furranurra wee while,
moanan we'll hae a wee daunner ootbye
eh no? This bar's like a jile.

Thurra place roon ahint St Vuncent's Lane
whaur naebody's gaunny come preein
n we'll tak aff oor claes n pit oan oor wings
n we'll dae a wee bit o fleein

Ah'll be the corbie an ye'll be the gull
(ye aye wis a bit o a gannet)
n we'll wheech roon the chumbleys, aye so we wull
noo wheesht, no a whusper tae Janet . . .

agnes home   flysco home