flysco page logo

Agnes on Students

Agnes has no time for academics

Agnes on Students

Me read poetry? Gauny geeza brek pal?
Ah'm no wan o yer peely wally wasters
Ah've got work to dae, washin' oot the tumblers
so's the likes o yous aye kin hae a fresh wan

Hear thon, Maggie hen? Student wi a survey
jist like whit's his name, Bamber aff the telly.
s'me'n you's peyin' for them trachlin' roon the toon tae
pester dacent folk gaun aboot their business.

Glesca's stowed wi' them, every wan a bam-pot
'cept fur doctors, like, maybe they're a bit mair
use than some o thae awffy-luikin' weirdos,
ken, like Jessie's lass, her that dyed her heid blue.

agnes home   flysco home