flysco page logo

Agnes on Police

Agnes deprecates constabulary incompetence

Agnes on Police

Ah seen it wi ma ain eyes Maggie hen -
They wisny proper polis, they wis berrs.
OK the guy wis stocious like, ah ken,
an ferr enough he hurled a coupla cherrs

but me an you'd huv handled him wursels
thur wisny ony need tae fetch the fuzz
Ah mean tae say - a bampot oan the Bells
jist breid an bu'ur tae the likes o uz

an jeez it's Se'urday nis team's goat bate
nis wife's in hoaspital nis wean's in jile
ne's no bin warkin noo since ninety eight -
ach weel, he took the big wan oot in style!

Thu'll dae 'im but, fur causin an affray.
Ah'm gled he goat the big wan onywey.

agnes home   flysco home