flysco page logo

Agnes on Independence

Agnes is unimpressed with canvassers

Agnes on Independence

"We're from the Yes campaign..." Fine. Ah'm fae Govan.
Whit can Ah get ye? Tennents or a heavy?
Ah'd hoped mibbe ye'd come ti mend the oven.
Ye canny hing in here wi'oot a bevvy.
"We'd like to put our poster..." in ma windae?
Fine, if ye wash them first. Ah'll gie ye a shammy
n a pail o watter. See 'f ye get stuck intae
the job, it's hauf an oor,  the same as Sammy.
Mind Sammy disnae get inti the coarners.
He's lazy like. These days ti get a real
joab done, ye've got ti gie it ti the foar'ners...
"Sorry to interrupt, but can't you feel
the Dawn of Independence drawing near?"
   See here son, Ah've been free this fifty year!

agnes home   flysco home