flysco page logo

Agnes on Camra

Agnes doesn't care for pretentious types

Agnes on Camra

Ye see them in Byres Road sniffin thur beer
luk lord an lady muck wi fancy wine.
Caa thursels Camra, Ah've anither name
fur fowk that try'n mak something whit it's no.
Oh Ah've hud proaper wine, no yer L. D.
Ah wis in Benidorm in eighty two.
This wee Spanish chancer tuk a shine
'n tried tae get us plestered oan the rid -
Pair wee sowell, Ah hud tae help him hame.
Me n'is mammy goat him tae his bed
an hit the toon. Wee daurlin! he wis nice
an said the things a lassie likes tae hear
Bult luk a whuppet tae, nae erse at aa
couldny hump a barrel.  'S up wi you?

agnes home   flysco home